Editorial Policy

Last updated: 19 November 2026

TamilAIGuide-இல் வெளியாகும் ஒவ்வொரு tool review, comparison, guide, prompt-உம் எப்படி உருவாகிறது, எப்படிச் சரிபார்க்கப்படுகிறது என்பதை இந்தப் பக்கம் விளக்குகிறது.

In English: we use every tool before we score it, check prices and features on official pages, use AI only to help draft text and make illustrations, and an editor reviews everything before it’s published. Commissions never change a score.

Tools-ஐ எப்படிச் சோதிக்கிறோம்?

  • அதிகாரப்பூர்வத் தகவல்: விலை, திட்டங்கள், அம்சங்கள், தனியுரிமைக் கொள்கை ஆகியவற்றை tool-இன் அதிகாரப்பூர்வப் பக்கங்களில் சரிபார்க்கிறோம். இந்திய விலை (₹) கிடைத்தால் அதையே காட்டுகிறோம்.
  • நேரடிப் பயன்பாடு: ஒவ்வொரு tool-ஐயும் நாங்களே பயன்படுத்திப் பார்க்கிறோம். தமிழில் கேட்டு, தமிழில் பதில் எப்படி வருகிறது என்று பார்க்கிறோம்; phone-இலும் சோதிக்கிறோம்.
  • வெளி மூலங்கள்: ஒரு தகவலை நாங்களே சோதிக்க முடியாதபோது (உதா: ஒரு நாட்டில் app கிடைக்கிறதா), நம்பகமான மூலங்களை வைத்துச் சரிபார்க்கிறோம்.

Score எப்படித் தரப்படுகிறது?

ஒவ்வொரு tool-உம் கீழே உள்ள 8 அளவுகோல்களில் 1 முதல் 5 வரை மதிப்பிடப்படுகிறது:

  1. பயன்படுத்த எளிமை (Ease of Use): முதல் முறை பயன்படுத்துபவர் வேறு உதவி இல்லாமல் தன் வேலையை எவ்வளவு விரைவாக முடிக்க முடிகிறது.
  2. தமிழ் ஆதரவு (Tamil Support): தமிழில் எழுதவும் பதில் பெறவும் முடிகிறதா, தமிழ் இடைமுகம் உண்டா, தமிழ்ச் சூழலை எவ்வளவு புரிந்துகொள்கிறது.
  3. அம்சங்கள் (Features): அதே வகை, அதே விலை நிலையில் உள்ள மற்ற tools-உடன் ஒப்பிடும்போது வசதிகள் எவ்வளவு விரிவானவை.
  4. விலைக்கேற்ற மதிப்பு (Value for Money): விலை மட்டுமல்ல; கொடுக்கும் விலைக்குக் கிடைக்கும் தரமும் வசதிகளும்.
  5. வேகம் (Speed): நாங்கள் பயன்படுத்தியபோது பதில் அல்லது உருவாக்கம் எவ்வளவு நேரம் எடுத்தது.
  6. மொபைல் அனுபவம் (Mobile Experience): phone app அல்லது phone browser-இல் எவ்வளவு எளிதாகப் பயன்படுத்த முடிகிறது.
  7. தனியுரிமை (Privacy): உங்கள் தரவை tool எப்படிக் கையாள்கிறது என்பது எவ்வளவு தெளிவாக உள்ளது; AI training-க்கு உங்கள் தரவைப் பயன்படுத்துவதை நிறுத்த வழி உண்டா.
  8. தொடக்கநிலையாளர்களுக்கு ஏற்ற தன்மை (Beginner Friendliness): அறிமுக வழிகாட்டல், உதவிப் பக்கங்கள், technical அறிவு இல்லாதவர்கள் கற்றுக்கொள்ள எடுக்கும் நேரம்.

TamilAIGuide Score: இந்த 8 மதிப்பெண்களின் சராசரியை 10-க்கு மாற்றியது. உதாரணமாக, சராசரி 4.2 என்றால் Score 8.4. ஒரு வகை tools-க்குச் சில அளவுகோல்கள் அதிக முக்கியம் என்றால் அவற்றுக்குக் கூடுதல் எடை தர எங்கள் முறை அனுமதிக்கிறது. தற்போது எல்லா வகைகளிலும் 8 அளவுகோல்களுக்கும் சம எடை; இது மாறினால் இந்தப் பக்கத்தில் குறிப்பிடுவோம்.

ஒவ்வொரு மதிப்பெண்ணையும் எங்கள் editor சரிபார்த்து இறுதி செய்கிறார். AI தானாக score தருவதில்லை. Score என்பது எங்கள் கருத்து; உங்கள் தேவைக்கு ஏற்ற tool வேறாக இருக்கலாம்.

AI-ஐ எப்படிப் பயன்படுத்துகிறோம்?

  • Draft எழுதவும், தகவல்களைச் சுருக்கவும், illustrations உருவாக்கவும் AI உதவியைப் பயன்படுத்துகிறோம்.
  • வெளியிடும் முன் எங்கள் editor விலை, அம்சங்கள் போன்ற தகவல்களை அதிகாரப்பூர்வ மூலங்களுடன் ஒப்பிட்டுச் சரிபார்க்கிறார், தமிழைத் திருத்துகிறார், பிறகே வெளியிடுகிறார்.
  • Scores, பரிந்துரைகள், இறுதி முடிவுகள் எங்கள் editor-உடையவை.

சுதந்திரம்

  • ஒரு நிறுவனம் எங்களுக்கு commission தருகிறதா என்பது அதன் score-ஐயோ பரிந்துரையையோ மாற்றாது. விவரம்: Affiliate Disclosure.
  • பணம் கொடுத்து score, review அல்லது பட்டியலில் இடம் வாங்க முடியாது. பணம் பெற்று வெளியிடும் content இருந்தால் அதைத் தெளிவாக “Sponsored” என்று குறிப்போம்.
  • Tool நிறுவனங்கள் எங்கள் review-ஐ வெளியிடும் முன் பார்க்கவோ மாற்றவோ முடியாது. ஒரு நிறுவனம் சோதனைக்காக இலவச access தந்தால், அதை அந்த review-இல் குறிப்பிடுவோம்.

தகவலைப் புதுப்பித்தல்

AI tools வேகமாக மாறுகின்றன. ஒவ்வொரு tool பக்கத்திலும் “Last verified” தேதி இருக்கும்; குறைந்தது 90 நாட்களுக்கு ஒருமுறை விலை, அம்சங்கள், score-ஐ மீண்டும் சரிபார்க்கிறோம். விலை மாறியது தெரிந்தால் அதற்கு முன்பே புதுப்பிக்கிறோம். Comparisons, guides-இல் உள்ள விலை, அம்சங்களையும் அதே முறையில் புதுப்பிக்கிறோம்.

தவறுகளைத் திருத்துதல்

தவறான தகவலைக் கண்டால் contact page வழியாக அல்லது contact@tamilaiguide.com-க்கு, பக்கத்தின் முகவரியுடன் எழுதுங்கள். ஒவ்வொரு செய்தியையும் படித்து, சரிபார்த்து, தவறு என்றால் விரைவில் திருத்துகிறோம். விலை அல்லது score போன்ற முக்கியத் திருத்தம் என்றால் அந்தப் பக்கத்தின் “Last verified” தேதியையும் புதுப்பிப்போம்.

யார் பொறுப்பு?

இந்தத் தளத்தின் content அனைத்தும் எங்கள் Chief Editor Ramanathan Vithyananthan-இன் மேற்பார்வையில் வெளியாகிறது. அவரைப் பற்றி: About.

படங்கள்

இந்தத் தளத்தில் உள்ள illustrations AI மூலம் உருவாக்கப்பட்டவை. Category படங்கள், article covers மற்றும் social share படங்களின் பின்னணி இதில் அடங்கும்.

Tool logos மற்றும் screenshots AI மூலம் உருவாக்கப்படுவதில்லை. அவை உண்மையான product படங்கள்: நாங்களே எடுத்தவை, அல்லது நிறுவனங்களின் press materials மற்றும் இணையதளங்களிலிருந்து எடுக்கப்பட்டவை.